Kvalitehtaregister
Kvalitehtaregister lea okta vuohki buohccedivššus struktureret ja gozihit sierralágán dávddaid ja buoredit dálkkodeami.
Go leat mielde našuvnnalaš kvalitehtaregisteris de veahkehat buoridit dikšuma. Máđiieanet geat oasálastet, dađi sihkkarit šaddá statihka bohtosat. Bohtosiid mii geavahii buorideami bargui.
Visot kvalitehtaregisteriin lea hui garra čiegusvuohta ja informašuvdna krypterejuvvo vai ii oktege sáhte čatnat dieđu soames sierra olbmui. Go dieđut eai šat dárbbahuvvo registeris de sihkkojuvvojit eret.
Du rievttit
Don gii leat pasieanta dus lea riekti oažžut diehtit got dieđut mat gávdnojit du birra kvalitehtaregisteris geavahuvvojit. Ovdamearka sáhttet muhtomin dieđut addot dutkanbargui.
Du vuosteváldi sáhttá veahkehit oažžut čállosa makkár dieđut gávdnojit du birra registeris. Dus lea maid riekti oažžut diehtit jus dieđut leat vižžon eará gálduin go pasieantajournálas dahje dus alddát.
Lea eaktodáhtolaččat jus háliidat leahkit mielde registeris dahje it ja du mearrádus ii váikkut divššut. Jus it hálit leahkit mielde de muital dan vuosteváldái gos lávet mannat. Sáhtát goas ain gáhtat mearrádusat.
Háliidat go diehtit eanet?
Jus háliidat diehtit makkár kvalitehtaregisterii justte du vuosteváldi dieđiha leat bures boahtin jearrat dálkkodeamistat.