Akyytti apu
Kun on elämääuhkaavia sairhauksia ja vahinkoja soita aina 112.
Löyä oikea hoito sinun läheltä. Tästä saat kätevän ylheiskuvan Stokholmin läänin rekiuunin ohjatetusta akyytti hoijosta.
1177 antaa opastusta
Jos olet epävarma mihinkä sie piät kääntyä, soita 1177. Sieltä saat puhua kokenheen siukkasysterin kans joka auttaa sinua löythään oikean hoijon.
Hae apua oikeasta vasthaanototosta/Sök vård på rätt mottagning
Hoitokeskus
Hoitokeskus on ensi valinta kun sie tarttet kohata lääkäriä eli siukkasysteriä. Tänne sie käänyt jos sulla on esimerkiks korkea feeberi, kusitie-, hengitystie-, eli ihoinfeksjuuni, akyytti pahentuminen kruunisista sairhauksista, haavavahinkoja eli akyyttiä ihotulehtuksia. Hoitokeskus on auki arkipäivän kaikina päiväaikoina.
Täältä sie löyät kaikki meän hoitokeskukset/Här hittar du alla våra vårdcentraler
Kotilääkärin vasthaanotto online kaikki viikon päivät
Sie saatat kontaktata meän hoitokeskuksia ja kotilääkärivasthaanottoja viiteokohtauksessa apin kautta Alltid öppet/Aina auki.
Meän Kotilääkärinvasthaanotto online on auki kaikila viikon päivinä kello 7-21.
Lue lissää apissa Alltid öppet/Aina auki
Sjuurilääkäribiiliä
On kans olemassa sjuurilääkäribiiliä jokka rullaavat illoila, öilä ja viikonlopun aikoina. Net on sulle jolla on akyytti hoijon tarve ja on vaikeuksia päästä vasthaanothoon. Soita 1177 jos sie tarttet sjuurilääkäribiilin.
Lähiakyytti
Lähiakyytissä kaiken ikäset raahvaat ja lapset saattavat saa apua akyytti sairhauksissa ja vahinkoissa jokka ei ole elämää uhkaavia.Lähiakyytti on sulle joka tarttet enemän akyytti hoitoa kun sinun hoitokeskus eli kotilääkärisjuuri saattaa tarjota. Esimerkiks jos eppäilthään ette käsivarsi eli jalka on menny poikki, aivotärhäys, pahempia haavavahinkoja, eppäilty veritulppa jalassa ja akyyttiä alerkisia prupleemia. Lähiakyytti ottaa vasthaan lapsia 0 iästä.
Täälä on meän lähiakyytit/ Här finns våra närakuter
Psykiaatrinen hoito
Sie joka tarttet akyyttiä psykiatrista apua olet tervetulonen ottamhaan yhteyttä meän psykiatristen sjuurivasthaanottojen eli psykiatrisen akyyttivasthaanoton kans. Akyytilä on valitettavasti useasti pitkiä oottoaikoja, mutta sjuurivasthaanotot saattavat antaa sulle kätevämpää apua.
Lissää tietoja psykiaatrisesta akyyttihoijosta/ Mer information om den psykiatriska akutvården
Akyyttisairaloitten akyyttivasthaanottoja
Akyyttisairaloitten akyyttivasthaanotot ottavat vasthaan sinun jolla on hyvin vakavat eli elämääuhkaavia sairhauksia ja vahinkoja. Soita 112 eli 1177 ette päästä oikehaan vasthaanothoon.