Lue sinun sjurnaali
Sulla on oikeus lukea sinun sjurnaalin ja sie saatat kans tilata kopioita siittä.
Lähimäisile jällaa ette sie häyt hyväksyä ette net saavat lukea sinun sjurnaalia. Erikoisia sääntöjä jällaa lapsile alle 18 vuotta ja muile alaikäsile.
Näin sie tehet
Ota yhteyttä sinun vasthaanoton, osaston eli sen yksikön kans jossa olet käyny ja sano mikkä aikakauvet sinun sjurnaalista asia koskee mitä sie haluat lukea. Sie tarttet kans jättää sinun täyvelisen nimen, henkilönumerot, postiosotheen ja telefooninumeron.
Jos olet ollu monessa vasthaanotossa sie tarttet kääntyä niihin jokhaisheen.
Kostanus
Jos sulla on laaja sjurnaali, eli haluat saa sen monesa kappalheessa, sie voit saa maksaa kopiointimakson niistä kopioista mitä saat.
Yhekshään sivhuun asti sjurnaalikopioita ei maksa mithään. Kymmenestä kopiosta tullee 50 kruunun toimitusmakso. Siittä jälkhiin kopiot maksavat kaks kruunua kappale.
Postikulumaksot ja postin rekkimakso tullee lisäks.
Sulla on kans oikeus kerran vuessa tahtoa ulosveoksen kaikista rejisteristä missä sie olet matkassa, ilman kostanuksia sulle.
Poikkeus
Harvoissa taphauksissa ja jossaki erikoisessa tilantheessa sinun hoijon aikana saattaa olla vahvoja metesiinisiä syitä ettei ole sopivaa antaa käytettäväks koko sinun sjurnaalia.
Siksi aina lääkäri arvostellee jos sjurnaaliaa mennee jättää ulos. Sama koskee jos lähimäinen sinun luvala tahtoo saa kopian sinun sjurnaalista.
Tämä on täysin ja ainuasthaan huoli sinusta ja häätyy olla hyvin vahvoja syitä ettei jättää ulos sjurnaalia. Jos sie saisit hylkäyksen saa ulos sinun sjurnaalin sie saatat valittaa sitä päätöstä. Tietoja kuinka sie tehet sen sie piät saa yhessä kirjalisessa mutiveerinkissä hylkäyksheen.
Huoltajana sulla on tavalisesti oikeus ottaa ossaa sinun lapsen sjurnaalista, mutta kun lapsi tullee vanheemaks, teini-iässä, vaaithaan usseimiten ette lapsi hyväksyy siihen. Sjurnaalia ei myöskhään jätetä ulos jos eppäilthään ette lapsi kokkee pahhaa siittä eli ettei huoltaja saata suojata lasta.